想做飲食生意，近年興起用自動售賣機賣嘢，好似咖啡、果汁、飯團等。不過，唔係話擺部機出嚟就冇事，其實根據《食物業規例》，好多食物都屬於「限制出售」，即係你唔可以隨便賣，仲要攞食環署批嘅許可證或者書面准許。
咁咩食物要審批？例如即沖咖啡、熱存飯團、鮮榨果汁、冷存即食蔬菜、原包裝冰凍甜品呢啲，如果經自動售賣機賣都要申請。而普通罐裝、樽裝飲品、奶類、預先包裝零食其實就唔使再申請啦，只要原裝封好就得。
食環署審批時會睇你賣咩、包裝種類、保鮮條件等等，最緊要係保障食物安全同埋環境衛生。大家要記住，如果無牌經營或者賣需批準嘅食物被捉到，最高罰款五萬元兼且可以坐六個月！
所以如果諗住用自動售賣機創業，記得要上食環署官網查清楚啲細節，唔好以為簡單擺部機就可以做生意，守法先會長做長有。仲想知多啲飲食創業貼士？快啲Follow我哋專頁啦！
#售賣機創業 #飲食貼士 #守法先做生意 #香港創業